Nordbo illoqarfiup qeqqani assigiinngitsorpassuarnik unnueriaatsinik neqerooruteqarpoq – katersugaasivinnut, neriniartarfinnut pissanganartunut pisuinnaallu aqqusernganut qanittumik inissisimalluni. Katuaq kulturikkut illorsuaq filmertarfilik, suliffeqarfiit assigiinngitsut Kalaallit Nunaannilu qitiusumik pisortat aqutsisoqarfiinut qanittumik inissisimavoq. Maani kimulluunniit pilerinartoqarpoq akillu naammaginartuullutik.

Nordbo illoqarfiup qeqqani inissiat ineeqqallu tamarmik nutarterneqarput ilaatigut nutaanik natersualersorlugit, nutaanik igalaalersorlugit nutaanillu pisatalersugaallutik. Nuup qeqqani inissiat 2017-18-mi nutarterlugit suliarineqarput.

Hotel Nordbo illoqarfiup qeqqani inimik ataatsimik inuit 24-it kateriffigisinnaasaannik peqarpoq, ineeqqanillu marlunnik ineerartalinnik nammineq igaffilinnik perusuersartarfilinnillu peqarpoq. Taamatuttaaq unnuisarfiit pitsaassutsimikkut qaffasissut ataatsimoorluni igaffeqarlutik perusuersartarfillit neqereroorutigaagut. Kalaallit Nunaanni illoqarfiit pingaarnersaanni unnuinissamik periarfissatsialaavoq minnerunngitsumik atuarfinnut, atorfeqarfinnut, peqatigiiffinnut aammalu angalasumut akitigut silatusaartumut.

Sivisunerusumik Nuummiissaguit taava paasissutissatut pingaaruteqarpoq Hotel Nordbo nammineerluni errorsisarfeqarmat illit nammineerlutit atisarnik errorsiffigisinnaasarnik.